منتدي عالم النور

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مرحب وأهلا يا زائر


5 مشترك

    حكـــــايه شــارعنــا........................

    أبوعمار
    أبوعمار



    رسالتي رسالتي : ISLAM COMING AGAIN
    , ONCE WE BELIEVE THAT IS THE ONLY SOLUTION


    الجنس : ذكر
    المشاركات : 458
    العمر : 38
    العمل/الترفيه : Doctoor Shatooor‏ ‏
    المزاج : Die Hard In The The Heart
    السٌّمعَة : 66

    حكـــــايه شــارعنــا........................ Empty حكـــــايه شــارعنــا........................

    مُساهمة من طرف أبوعمار الأربعاء 20 مايو 2009, 12:27 pm





    بصيت براسى للامام


    وقلت عـ الدنيا السلام


    لما كنت فـ يوم بنام


    وافتح عيونى على همس الحمام


    فجأه لقيتنى فـ دنيا تانيه


    سألت أبويــا قالى


    قوم يـ بنى استغفر وصليلكـ ركعتين


    وخلى اللى يقوم يقوم


    واللى ينام ينام

    ...........................


    وعمى عبد السلام


    اللى كان إمام الجامع


    اللى جنبه بيت وعليه برجين حمام


    كان كل يوم يقوم


    ينفض الهدوم ويلم فرشته


    ويقول عليك يارب


    يـ شيال الهموم

    ...................................


    ولا خالتــى أم إبراهيم


    كل يوم تعيد نفس الكلام


    قومو يـ موكوسين


    إحنا فين وهما فين


    ناس طلعو القمـر


    وناس عيشتها نوم


    ..........................
    ولا جارنا الهمام


    اللى عامل فيها بيـه


    كل يوم يصبح مراته بعلقتين


    واحده عـ الفطار....والتانيه عارفين انتو فين....


    ..............................


    وكل دول حكــايه


    وحكايه تانيه فـول عمـ سليمان


    تروح عـ الصبح عنده


    تاكل رغيفين تمام


    وتمشى عـ الدوام


    تنسى انـتا مين ولا انتـا فين


    ومين ماشى وراك ولا مين قدام


    عااااااااايش فـ دنيا تانـيه


    حااااااسس نفسك وزيـر


    والفضل طبعاً عارف يرجع لمين.....؟
    .......................


    ولا بنت أم ابتهال


    اللى طالعه فيها قال


    وكل يوم بتغير فـ الهدوم


    مره كـعب عالى


    ومره كـعب واطى


    ومــره بـ جذمتين


    هـى بصراحه حلوه


    وكل يوم بـ شوفها بشكل تانى


    زى ما تقولو شغاله بهلوان


    كـل يوم بـ لــون..


    مره احمر..مره اصفر..مره اخضر


    ويوم كوكتيل كمـان


    ............................


    ولا عمى سيد تمام


    اللى حافظ كل البرامج..وكمان مدمن افلام


    وبيعشق الزمالكـ ...وفـ كل ماتش ليها


    تقولو مين بيلعب..يقولكـ الاتحاد


    .............................
    size=21]ولا الـ حاج حسين سباعى[/size]


    اللى حافظ التاريخ


    وكل لما اقعد معاه


    يقولى عـرابى فين


    اقولو عرابى مـات..يقول طب والانجليز


    اقله موجودين


    وفـ الاخر يقوم ينام


    وكأنه مش معانا


    وعايش والســلام


    .....................


    ماشى وصاحبى مره


    شفنا بنتين تمام...بصيت بطرف عينى


    لقيتهم بيغمزولى برمش عين


    مشيت وقلت جايز يكونو غلطانين


    سمعت صوت بينادى


    بركــات............ ولا انت مين..؟


    اتفاجئت وقلت انتو اللى مين


    قالو احنا اللى كنا معاك فـ الامتحان


    اللى سقطت فيه مرتين


    قلت بلاش فضايح سيبوكو مـ اللى فات


    المهم انتو فين


    اللى قالت زمان وقاسى


    واللى قالت مبسوطين


    ماهو احنا فينا ناس


    عايشين تحت التراب


    وناس عايشين فوق التراب


    وناس عايشه مرتين


    ناس كل يوم تاكل كباب


    وناس عيشتها.......!!


    المهم هو احنا رحنا فين


    نرجع لعمى عبده سالم


    اللى قاعد قدام المحكمه


    طالع يكتب شكاوى نازل يكتب مظالم


    ده اكل عيشه طيب يعمل أيه


    .....................
    size=21]وياعينى عـ الشباب[/size]


    اللى مليين القهاوى


    فيهم اللى فالح وعايز يبقى حاجه


    وفيهم اللى غاوى يعمل مشاكل


    وفـ النهايه دا حالنا كل يوم


    ننام نقوم مبقتش فارقه


    طالما اللى جاى زى اللى فات


    ودا حالنا وحال كتير


    وفـ الاخر نفس المصبر


    إن كان بيه ولا بواب ولا حتى وزير


    عايشين عالدنيا وخلاص


    .......................


    ولو تحبو اكمل


    اشوفيلكم حى تانى ولا شارع


    يا احلى اعضاء ومشرفين


    الناس كتير وكل واحد ليه مليون حكايه


    وفى النهايه هو هو نفس المصير






    منقول من منتديات ماجدة
    نظم : بركات
    عاشقة القرآن
    عاشقة القرآن



    رسالتي رسالتي : النص
    الجنس : انثى
    المشاركات : 380
    السٌّمعَة : 21

    حكـــــايه شــارعنــا........................ Empty رد: حكـــــايه شــارعنــا........................

    مُساهمة من طرف عاشقة القرآن السبت 23 مايو 2009, 3:15 am

    دي مش حكاية شارعنا دي حكايه بلدنا ......دي حكاية سلبيتنا دي حكاية عدم إهتمامنا........دي حكاية عدم مسؤليتنا دي حكاية استهتارنا وفشلنا
    شكرا لك أخي الفاضل
    عندي سؤال ماذا يطلق علي هذا المقال هل هو شعر أو نثر أو زجل او ......؟ وما الفرق بينهم
    جزاك الله خيرا أخي الفاضل
    avatar
    الخطيب المصري



    رسالتي رسالتي : النص
    الجنس : ذكر
    المشاركات : 27
    العمر : 33
    العمل/الترفيه : طالب
    المزاج : القراءة
    السٌّمعَة : 4

    حكـــــايه شــارعنــا........................ Empty رد: حكـــــايه شــارعنــا........................

    مُساهمة من طرف الخطيب المصري الأحد 19 يوليو 2009, 10:51 am

    السلام عليكم يا ابا عمار جزاك الله خيرا لكني لا ارغب في ان تكون اضافتك بهذا المستوى السطحي
    وعلي كل حال جزاك الله خيرا
    أبوعمار
    أبوعمار



    رسالتي رسالتي : ISLAM COMING AGAIN
    , ONCE WE BELIEVE THAT IS THE ONLY SOLUTION


    الجنس : ذكر
    المشاركات : 458
    العمر : 38
    العمل/الترفيه : Doctoor Shatooor‏ ‏
    المزاج : Die Hard In The The Heart
    السٌّمعَة : 66

    حكـــــايه شــارعنــا........................ Empty رد: حكـــــايه شــارعنــا........................

    مُساهمة من طرف أبوعمار الأحد 19 يوليو 2009, 1:45 pm

    و جزاك مثله أختى الفاضلة
    eman

    معذرة لم ألحظ سؤالك سوى الآن

    هذا النوع من الشعر شعر زجلى

    وبالطبع هناك فرق كبير بين الشعر والنثر والزجل

    فكلا من الشعر والنثر يشتركان فى أنهما كلمات جميلة رقيقة تؤدى بشكل أدبى ، و يمتاز الشعر عن النثر بالتزامه الموسيقى والايقاع ، بالاضافة إلى أن السمه الغالبة فى الشعر هى الايجاز بخلاف النثر الذى يميل إلى الاطناب ، والتفصيل بعد الايجاز وهكذا .
    .

    أما الزجل فهو نوع من أنواع النظم العربى الشعبى ، أداته غالبا ما تكون اللغة الدارجة مع التزامه بأوزان وعروض الشعر .

    هذا باختصار الفرق بين الأنواع الثلاثة .

    شكرا لك
    أبوعمار
    أبوعمار



    رسالتي رسالتي : ISLAM COMING AGAIN
    , ONCE WE BELIEVE THAT IS THE ONLY SOLUTION


    الجنس : ذكر
    المشاركات : 458
    العمر : 38
    العمل/الترفيه : Doctoor Shatooor‏ ‏
    المزاج : Die Hard In The The Heart
    السٌّمعَة : 66

    حكـــــايه شــارعنــا........................ Empty رد: حكـــــايه شــارعنــا........................

    مُساهمة من طرف أبوعمار الأحد 19 يوليو 2009, 1:56 pm

    أهلا بك بيننا أخى الخطيب المصرى

    نورت المنتدى

    أحترم رأيك

    ولكني لا أحبذ تقسيم المشاركات إلى لب وقشور

    لك منى كل الود
    ابوعمر
    ابوعمر



    رسالتي رسالتي : ‏ ‏عام جديد وعلى عملك شهيد فاغتنمه فهو لن يعود الى يوم القيامه


    الجنس : ذكر
    المشاركات : 1827
    العمر : 38
    العمل/الترفيه : نائب المدير العام
    المزاج : قلبى يعتصرلمايحدث للمسلمين
    السٌّمعَة : 182

    حكـــــايه شــارعنــا........................ Empty رد: حكـــــايه شــارعنــا........................

    مُساهمة من طرف ابوعمر الأحد 19 يوليو 2009, 9:55 pm

    جزاك الله خيرا أخى أبـــــــ قلب1 قلب1 ـــــــوعمار

    ليس عندى درايه كبيره بالشعر وأنواعه

    ولكن أحييك موضوع شيق ,,, تصوير رائع لحالنا بكلمات بسيطه

    إحتواء كامل لمشاكلنا بتصوير بليغ

    تعبير دقيق لحالنا بأسلوب رقيق قل ما تجد مثله فى حياتنا

    اشكرك شكرا جزيلا
    بحب النور
    بحب النور



    رسالتي رسالتي : يارب النصر لمصر والخسائر للجزائر
    الجنس : ذكر
    المشاركات : 381
    العمر : 34
    العمل/الترفيه : بودي جارد ههههه
    المزاج : جشطه
    السٌّمعَة : 56

    حكـــــايه شــارعنــا........................ Empty رد: حكـــــايه شــارعنــا........................

    مُساهمة من طرف بحب النور الإثنين 20 يوليو 2009, 2:52 am

    مشكور أبو عمار أنا عجباني جدا الفكره

    تحياتي

      الوقت/التاريخ الآن هو الخميس 28 مارس 2024, 10:17 am