الرئيسية
أحدث الصور
رسالتي
بسم الله الرحمن الرحيم
اليوم اخوانى واخواتى جئت اليكم ودموعى تغرقنى والهم يبكينى على هؤلاء الذين ليس لهم احد من المسلمين
هؤلاء الأطفال الذين اهملناهم جميعاً الا من رحم ربى
فليسامحنا الله وليغفر لنا...اللهم آمين
جئت اليكم اليوم بخطوة عملية جديدة عسى أن تتم بنجاح فى وسط هذا الكسل الذى عم هذا المنتدى من اعضائه الا القليل ممن رحم ربى ولكن اليوم أريد همة عالية......اريد تنافساً فى الخير....اريد ان تكون همتك همة بركانية
أيها العضو المسلم وأيتها العضوة المسلم تذكرى دائماً أن
همتك همة بركانية فلا تعش مثل غيرك
حرارة الايمان تذيب لحام القيود
لديك حياة واحدة فعش ايجابيا ومت حميداً والا فعش هامشياً سلبيا ومت مثل غيرك
تذكر هذه المقولات دائماً حتى تكون لك باعثاً على التنافس فى الخير
ولكى لا أطيل عليكم
معى اليوم أول خطوة من الخطوات العملية لحل مشكلة أطفال الملاجئ من لهم
وذلك انما هو نتاج لموضوع أمة الله
جزاها الله خير الجزاء
ما واجبنا نحو هؤلاء الأطفال؟
انما علينا ان نذهب اليهم بالهدايا ونتودد اليهم ونحببهم فى دينهم ونعلمهم امور دينهم
ولكن قد يقول قائل:
كلامك جميل يا سيف لكن انا معرفش اى ملجأ هروح ازاى بقا
وهرد عليه واقله:
دى مهمتى انا النهاردة....دى خطوتى ام باقى الخطوات فهنعملها كلنا مع بعض
خطوتى النهاردة هقلك فين الملاجئ....هقلك فين اقرب مكان ليك
هتفق معاك اننا نروح
وهنتفق على معاد....واللى هيخلف هو الخسران
هشرحلك ازاى بس بعد ما اقلك هنروح فين
تعال معايا وركز معايا وخليك مصحصح ومتزهقش
اولاً انا من الشرقية من مركز ابوحماد
والمركز ده مفيهوش ملاجئ
ثانياً انا عارف ان اكتر الاعضاء هنا من العاشر من رمضان وعشان كده هبدأ بالعاشر من رمضان
عندكم يا شباب فى العاشر من رمضان على حسب ما انا سألت وعرفت
عندكم فرع من دار المدينة المنورة للأيتام....وعلى فكرة اكتر الايتام دول انما هم لقطاء وليسوا ايتاما
الفرع ده على حسب ما عرفت لما سألت عليه فيه 103 طفل وكلهم فى المرحلة الابتدائية
ما شاء الله 103 طفل كتير جداً
واحد هيقلى فين يا سيف الدار دى؟؟؟؟
هقله:
انا اصلاً كنت بحسب مفيش دور ايتام فى العاشر من رمضان ولكن انا كنت بسأل على دور الايتام فى القاهرة
فلقيت دار اسمها دار المدينة المنورة
والدار دى فى مدينة نصر- مكرم عبيد - أمام السلاب
وفوق السوق الحرة
وجنب صيدلية افريقيا
وعدد الاولاد اللى كانوا فيها كانو 9 بس واعمارهم 4 و 3 سنين
لكن لما سألت قالولى ان فى فرع فى العاشر بس للأسف اللى سألته معرفش يقلى فين بالظبط ولا يعرف يدينى رقم التليفون
لكن عرفت رقم تليفون الفرع الرئيسى بتاع القاهرة وباذن الله هنتصل بيه ونعرف فين بالظبط فى العاشر من رمضان
تليفون الفرع الرئيسى:
2742378 - 2735269 - 2735267
دى ارقامهم
بس كده يا شباب.....دا اللى عرفته عن العاشر وانتم ادرى ببلدكم
تعالوا بينا بقا نروح القاهرة: وطبعاً اكترنا فى جامعات وبنروح القاهرة كتير الا بسيط مننا على ما اعتقد
طبعاً القاهرة واسعة جداً جداً جداً
فانا الأول هبدأ بمدينة نصر عشان فيها جامعة الازهر وانتم عارفينها كويس
فى مدينة نصر فى ملاجئ كتير ومنها:
1- دار الأبرار للصغار
والدار دى فيها 12 بنوتة سكرة
والدار دى مكانها فى الحى السابع قبل رضوان العجيل
بالظبط تانى عمارة عالشمال فى الشارع اللى جنب رضوان العجيل وبعد المسجد
موجودين فى الدور التانى
بس دول لسه نشأ صغير كده
لسه سنتين تلاتة
دول لازم نلحقهم عشان ما يكبروش على عادات وحشة او اخلاق مش ظريفة
ومواعيد الزيارة بتنتهى الساعة 6 مساءاً
والدار دى ليها فرع عند جنينة مول ونمرتهم: 2606979
2- دار الفردوس للأيتام المعاقين
دول معاقين يعنى محتاجينكم جنبهم
الدار دى موجودة فى شارع مصطفى النحاس المتفرع من عباس العقاد فوق مطعم شاورما وحاجات زى دى اسمه أبو مازن
وعندهم 29 طفل وطفلة وكلهم سنتين او تلت سنين
وبردوا ليهم فرع عند جنينة مول ونمرتهم: 2748372
3- قرية الأطفال
دى موجودة بعد شركة امبى للبترول بمحطتين يعنى قبل الحى العاشر
جنب مدرسة الفيوتشر
دى عبارة عن مجموعة فيلل بيسكن فى كل فيلا 7 او 10 اطفال ومعاهم مربية
ليه فى فيلل؟؟؟؟؟؟؟؟؟
لأن المكان دا كانت تحت رعاية اجنبية
زى ما اختى امة الله وصفت بالظبط
ولكن دلوقتى الحمد لله بقت تحت رعاية مصرية
لكنهم محتاجينكم اوى تعرفوهم دينهم
ياترى يا اعضاء منتدى عالم النور هتقفوا معاهم بجد ولا طنش وارمى وراك وانا مكسل......انا لسه هسأل وهروح
عيب عليك لو قلت كده
ودى بالذات محتجاكم اوى لانها لسه مختلطة والبنات والولاد اللى فيها كبار
يعنى لو معرفوش دينهم هيغلطوا.......والغلط بتبقى جريمة كبيرة ساعتها
وهنتسأل عليها احنا كمان
4- دار المدينة المنورة
واظن انا قلتلكم عليها قبل كده
5- دار مسنين بس المسنين دول محتاجين زيارتكم
دا زى والدك ودى زى والدتك
عيب عليك تسيبهم.......زورهم ولو دقيقة واحدة من وقتك
اسم الدار: دار مسنين الهدى
والدار دى موجود فيها قسم للأيتام
يعنى دار مسنين وايتام الهدى
دى موجودة فى مكرم عبيد - خلف السلاب فى مسجد الهدى
6- دار الهنا للأيتام
بشارع زاكر حسين - امام مسجد السلام
دول شقتين واحدة فيها 10 رضيع
وواحدة فيها 17 طفل فى المرحلة الابتدائية
7- دار احبابى
فيها 8 رضيعات يتيمات
امام النادى الاهلى - 6 ش عبد اللطيف حمزة - المنطقة السادسة
ونمرتهم: 6713557
وأسأل على مدام ثناء....دى المسئولة عن الدار
8- الكوم الكبير
جمعية الوفاء والأمل
قبل الحى العاشر وبعد قرية الاطفال بمحطة
شارع زاكر حسين
دى فيها مسنين كتير ومعاقين ذهنياً كتير
ورقم تليفونهم: 0101797251
دول فى مدينة نصر وفى أماكن كتير فيها ملاجئ ودور ايتام
يا ترى احنا فين من دا كله
انا ده اللى قدرت اجيبه النهاردة واوعدكم انى هجيبلكم تانى
واى حد متواجد فى اى مكان فى مصر كلها وفأى محافظة وعاوز يعرف فين الاماكن
يقلى وانا باذن الله هجبله العنوان ورقم التليفون
عاوزين بقا الولاد يتفقوا على معاد ودار ونروح نزورها وقبل رمضان
وقبل ما نروح لازم ندعى كل الناس اللى نقدر عليها عشان نروح مجموعة نفرح كل الايتام ونعلمهم دينهم
وانا يشرفنى انى ابقا مسئول عن المجموعة دى
وعاوزين الفتيات يحددوا معاد ودار ويروحوا وبردوا يدعوا البنات
ويحددوا حد مسئول عن كده
أمير القوم كما يقولون
وانا معاكم باذن الله
وارجو ان نقابل ذلك بهمة عالية
واهل العاشر يسألولنا على الدار اللى عندهم وميروحوش من غيرى
وإنى احبكم فى الله
اليوم اخوانى واخواتى جئت اليكم ودموعى تغرقنى والهم يبكينى على هؤلاء الذين ليس لهم احد من المسلمين
هؤلاء الأطفال الذين اهملناهم جميعاً الا من رحم ربى
فليسامحنا الله وليغفر لنا...اللهم آمين
جئت اليكم اليوم بخطوة عملية جديدة عسى أن تتم بنجاح فى وسط هذا الكسل الذى عم هذا المنتدى من اعضائه الا القليل ممن رحم ربى ولكن اليوم أريد همة عالية......اريد تنافساً فى الخير....اريد ان تكون همتك همة بركانية
أيها العضو المسلم وأيتها العضوة المسلم تذكرى دائماً أن
همتك همة بركانية فلا تعش مثل غيرك
حرارة الايمان تذيب لحام القيود
لديك حياة واحدة فعش ايجابيا ومت حميداً والا فعش هامشياً سلبيا ومت مثل غيرك
تذكر هذه المقولات دائماً حتى تكون لك باعثاً على التنافس فى الخير
ولكى لا أطيل عليكم
معى اليوم أول خطوة من الخطوات العملية لحل مشكلة أطفال الملاجئ من لهم
وذلك انما هو نتاج لموضوع أمة الله
جزاها الله خير الجزاء
ما واجبنا نحو هؤلاء الأطفال؟
انما علينا ان نذهب اليهم بالهدايا ونتودد اليهم ونحببهم فى دينهم ونعلمهم امور دينهم
ولكن قد يقول قائل:
كلامك جميل يا سيف لكن انا معرفش اى ملجأ هروح ازاى بقا
وهرد عليه واقله:
دى مهمتى انا النهاردة....دى خطوتى ام باقى الخطوات فهنعملها كلنا مع بعض
خطوتى النهاردة هقلك فين الملاجئ....هقلك فين اقرب مكان ليك
هتفق معاك اننا نروح
وهنتفق على معاد....واللى هيخلف هو الخسران
هشرحلك ازاى بس بعد ما اقلك هنروح فين
تعال معايا وركز معايا وخليك مصحصح ومتزهقش
اولاً انا من الشرقية من مركز ابوحماد
والمركز ده مفيهوش ملاجئ
ثانياً انا عارف ان اكتر الاعضاء هنا من العاشر من رمضان وعشان كده هبدأ بالعاشر من رمضان
عندكم يا شباب فى العاشر من رمضان على حسب ما انا سألت وعرفت
عندكم فرع من دار المدينة المنورة للأيتام....وعلى فكرة اكتر الايتام دول انما هم لقطاء وليسوا ايتاما
الفرع ده على حسب ما عرفت لما سألت عليه فيه 103 طفل وكلهم فى المرحلة الابتدائية
ما شاء الله 103 طفل كتير جداً
واحد هيقلى فين يا سيف الدار دى؟؟؟؟
هقله:
انا اصلاً كنت بحسب مفيش دور ايتام فى العاشر من رمضان ولكن انا كنت بسأل على دور الايتام فى القاهرة
فلقيت دار اسمها دار المدينة المنورة
والدار دى فى مدينة نصر- مكرم عبيد - أمام السلاب
وفوق السوق الحرة
وجنب صيدلية افريقيا
وعدد الاولاد اللى كانوا فيها كانو 9 بس واعمارهم 4 و 3 سنين
لكن لما سألت قالولى ان فى فرع فى العاشر بس للأسف اللى سألته معرفش يقلى فين بالظبط ولا يعرف يدينى رقم التليفون
لكن عرفت رقم تليفون الفرع الرئيسى بتاع القاهرة وباذن الله هنتصل بيه ونعرف فين بالظبط فى العاشر من رمضان
تليفون الفرع الرئيسى:
2742378 - 2735269 - 2735267
دى ارقامهم
بس كده يا شباب.....دا اللى عرفته عن العاشر وانتم ادرى ببلدكم
تعالوا بينا بقا نروح القاهرة: وطبعاً اكترنا فى جامعات وبنروح القاهرة كتير الا بسيط مننا على ما اعتقد
طبعاً القاهرة واسعة جداً جداً جداً
فانا الأول هبدأ بمدينة نصر عشان فيها جامعة الازهر وانتم عارفينها كويس
فى مدينة نصر فى ملاجئ كتير ومنها:
1- دار الأبرار للصغار
والدار دى فيها 12 بنوتة سكرة
والدار دى مكانها فى الحى السابع قبل رضوان العجيل
بالظبط تانى عمارة عالشمال فى الشارع اللى جنب رضوان العجيل وبعد المسجد
موجودين فى الدور التانى
بس دول لسه نشأ صغير كده
لسه سنتين تلاتة
دول لازم نلحقهم عشان ما يكبروش على عادات وحشة او اخلاق مش ظريفة
ومواعيد الزيارة بتنتهى الساعة 6 مساءاً
والدار دى ليها فرع عند جنينة مول ونمرتهم: 2606979
2- دار الفردوس للأيتام المعاقين
دول معاقين يعنى محتاجينكم جنبهم
الدار دى موجودة فى شارع مصطفى النحاس المتفرع من عباس العقاد فوق مطعم شاورما وحاجات زى دى اسمه أبو مازن
وعندهم 29 طفل وطفلة وكلهم سنتين او تلت سنين
وبردوا ليهم فرع عند جنينة مول ونمرتهم: 2748372
3- قرية الأطفال
دى موجودة بعد شركة امبى للبترول بمحطتين يعنى قبل الحى العاشر
جنب مدرسة الفيوتشر
دى عبارة عن مجموعة فيلل بيسكن فى كل فيلا 7 او 10 اطفال ومعاهم مربية
ليه فى فيلل؟؟؟؟؟؟؟؟؟
لأن المكان دا كانت تحت رعاية اجنبية
زى ما اختى امة الله وصفت بالظبط
ولكن دلوقتى الحمد لله بقت تحت رعاية مصرية
لكنهم محتاجينكم اوى تعرفوهم دينهم
ياترى يا اعضاء منتدى عالم النور هتقفوا معاهم بجد ولا طنش وارمى وراك وانا مكسل......انا لسه هسأل وهروح
عيب عليك لو قلت كده
ودى بالذات محتجاكم اوى لانها لسه مختلطة والبنات والولاد اللى فيها كبار
يعنى لو معرفوش دينهم هيغلطوا.......والغلط بتبقى جريمة كبيرة ساعتها
وهنتسأل عليها احنا كمان
4- دار المدينة المنورة
واظن انا قلتلكم عليها قبل كده
5- دار مسنين بس المسنين دول محتاجين زيارتكم
دا زى والدك ودى زى والدتك
عيب عليك تسيبهم.......زورهم ولو دقيقة واحدة من وقتك
اسم الدار: دار مسنين الهدى
والدار دى موجود فيها قسم للأيتام
يعنى دار مسنين وايتام الهدى
دى موجودة فى مكرم عبيد - خلف السلاب فى مسجد الهدى
6- دار الهنا للأيتام
بشارع زاكر حسين - امام مسجد السلام
دول شقتين واحدة فيها 10 رضيع
وواحدة فيها 17 طفل فى المرحلة الابتدائية
7- دار احبابى
فيها 8 رضيعات يتيمات
امام النادى الاهلى - 6 ش عبد اللطيف حمزة - المنطقة السادسة
ونمرتهم: 6713557
وأسأل على مدام ثناء....دى المسئولة عن الدار
8- الكوم الكبير
جمعية الوفاء والأمل
قبل الحى العاشر وبعد قرية الاطفال بمحطة
شارع زاكر حسين
دى فيها مسنين كتير ومعاقين ذهنياً كتير
ورقم تليفونهم: 0101797251
دول فى مدينة نصر وفى أماكن كتير فيها ملاجئ ودور ايتام
يا ترى احنا فين من دا كله
انا ده اللى قدرت اجيبه النهاردة واوعدكم انى هجيبلكم تانى
واى حد متواجد فى اى مكان فى مصر كلها وفأى محافظة وعاوز يعرف فين الاماكن
يقلى وانا باذن الله هجبله العنوان ورقم التليفون
عاوزين بقا الولاد يتفقوا على معاد ودار ونروح نزورها وقبل رمضان
وقبل ما نروح لازم ندعى كل الناس اللى نقدر عليها عشان نروح مجموعة نفرح كل الايتام ونعلمهم دينهم
وانا يشرفنى انى ابقا مسئول عن المجموعة دى
وعاوزين الفتيات يحددوا معاد ودار ويروحوا وبردوا يدعوا البنات
ويحددوا حد مسئول عن كده
أمير القوم كما يقولون
وانا معاكم باذن الله
وارجو ان نقابل ذلك بهمة عالية
واهل العاشر يسألولنا على الدار اللى عندهم وميروحوش من غيرى
وإنى احبكم فى الله
.gif)
