حور بين اثنين سمعهم ضعيف

حوار بين شخصين سمعهم خفيف


الأول : الا قولى يا اخينا هى فين محطة مــصر الجديدة؟

الثاني : ع الحديدة !!... لهو انت طالب احسان

الأول : بذرة الكتان !! لا ..دي تلاقيها عند العطار

الثاني : الجزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : قمر الدين !! لا والله .. مابحبوش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هباب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ،
(يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزي

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد من برة

الاول : المبرة ؟ الا هو انت لسة عيان .. طب متشوفلك اتوبيس يوديك لغاية العمارة

الثانى : إمارة ؟ ....لهو أنا اتأمرت ؟

الاول : اتاخرت ؟ .... دة الساعة لسة تلاتة

الثانى : شحاته .... متشفولك شغلانة يا بنى



يمر شاويش من بتوعنا ... يلفت انتباه الحوار، فيمسك بتلابيبهما: بتعمل ايه يا جدع منك له!!! ، وكمان بتتكلموا
بطريقة الشفرة

الاتنين: شاااااااااااويش ؟؟

الشاويش :! نهاركم مش فايت .... وكمان تجار حشيش


انجر انت وهو جدامى ع الجسم










-------------------------------------------------------------

حلو اوى يا فهد

تسلم ايديك

ربنا يجزيك خير
انا كنت دايخ عليها
وانت وفرتهالى بسهولة
شكراااااا فهووووووووووووود