براق الطيف

أيا بحر الهوى العطّـاي
دوام بحواك زي القيف
وأرسل ليك عصافير شوقي
شان تقدر تترجم ليك
نغم حرفين بزاحمن ديمه نبضاتي
ويسرن فيني مسرى دماي
يعيشن جوّه شرياني
يكونن لي معنى حياتي
بهجة عمري كل دُناي
وأرسل ليك طيور ريدي
دُعاش مطري ونسيم هبباي
تزورك في نهار الصيف
تحجب ليك شعاع شمسك
ويبقى الضُل حِداك وريـف
ترفرف ليك جِنيحاتها
يجيك هواها حاني لطيف
ترسل لي إشاراتك
رسالة رقيقة من قلبك
شايلا طير أمين زاجل
ويسعد بيها عقل حصيف
أشد صهوة براق الطيف
وأجيك فِسراع
نتبادل كؤوس الريد
نعيش نشوة حياة عُشاق
وحب طاهر شفيف وعفيف
منقووول

جزاك الله خيرا ابو عمر

بجد رائغة

جزاك الله خير بس عندى سؤال دى بتاعتك ولا لا

مشكور ابو عمر على المشاركة

ولكن نتمنى بعد ذلك كتابة المصدر والشاعر الذى نظم القصيدة

اتماما للفائدة

وجزاكم الله خيرا