انت تسأل واللي بعدك يجيب

الله الله ماكنتش أتوقع انك تزعل كده
احنا مانقدرش علي زعلك وبعدين مهندسين مين اللي يتبرعوا ل دكاتره والدكاتره ما شاء الله يعني يمتلكوا أكتر من ميزانية دوله
وبعدين يادكتور يعني هم المليون جنيه خلاص كانوا في ايدي......................!!!!!!!!د
بنهزر ياعمنا

والسؤال ياسيدي أهوه

ايه أكتر حاجه تقدرها في حياتك وتحترمها؟؟؟؟؟

انا زعلت ابدا والله انا اقدر ازعل من حبيبي
ياتري ايه اخبارك؟ اتمني ان تكون بخير وبصحه جيده
بالنسبه لسؤالك ياهندسه
هجاوب عليه غدا

اكتر حاجه بحبها وبقدرها الرجوله
والرجوله في نظري تعني الإخلاص في الصداقه
تكون راجل مع نفسك ومع الناس والأهم مع اصحابك تخدمهم بكل ماتستطيع _وتحفظ سره_وتخفف عنه الخ
ده معني الرجوله عندي

سؤالي لل_بعدي:
خلال ال3 اعوام القادمين لو أحياك الله ماالذي تتمني تحقيقه؟

اولا حمدا لله علي سلامتك _واتمني ان تكوني وفقت ف الامتحانات
وأسأل الله لك التوفيق والنجاح الباهر في الدنيا والأخره

جمله مش أنساها كتير بجد

من هذه الجمل والدي بيوصيني (بيقولي بالله عليك يامحمد لو جالك مريض وانت بتسمع ماتش او اي حاجه من الحاجات دي سبها وانزل ع طول عشان خطري) بيقول كدا عشان جدي كان هيموت بسبب تأخر الطبيب عنه بسبب مباراة
صدقا الكلمه خرجت من قلبه فأصابت قلبي فدمعت عيني

وغيرها من المواقف التي سأردها عند تذكري ليها

السؤال لل_بعدي امنيه تمنيتها وحققها الله لك؟

اكرمك الله_وكتب لك التفوق في الكليه التي تمنيتيها

كان نفسي ابقي متحدث لبق اصل كنت بكسف جدا والحمد لله حقق الله لي هذه الأمنيه وحصلت ع افضل خطيب ف بلدي
وكنت اتمني منذ نعومة أظافري ان ادخل كلية طب ووفقني الله لذلك
فالحمدلله ع نعمه التي لاتعد ولاتحصي

سؤالي موقف أضحكك من قلبك ؟

مره كنت ف الشارع وكان في طفل صغير كان بيجري عليا وهو بيقول "ماما جات ماما جات"
ومصمم اني مامته "مش عارف يفرقنا عشان النقاب" والولد يعيط وانا اقوله لاانا مش ماما ماما حالا تيجي
وهو مصمم ويعيط وباباه قعد يقوله لا دي مش ماما احنا حالا نروح لماما والولد يعيط وانا كنت هموت من الضحك
بس وبعدين باباه حايله وانا هربت بسرعه

نفس السؤال للبعدي؟؟

هههههههههههههههههههههههههههههههههههههههههههههههههههههههههههه

اضحك الله سنك اخيتي_موقف مضحك جدا
بارك الله فيك

انا بقي من اكتر المواقف ال_ضحكتني
هو طويل شويه فهختصره قدر الإمكان عشان زراير الموب متعبه

لما كنت ف سنه تانيه كليه كان تاني يوم عليا امتحان فسهرت لغيت الساعه 3 بالليل ودخلت نمت وزمايلي ال_ساكنين معايا نامو بدري شويه
الساعه 4 ونص الفجر لقيت صحبي ال_نايم معايا ف الأوضه بيصحيني وبيقولي يامحمد فيه حرامي ف الشقه فبصتله كدا وقمت نايم بس ببص لقيت كل بناطيلي مرميه جنبي ع السرير حرامي شيك اوي كان بيفتش بناطيلي وبيرميها عليا وانا نايم
طبعا الحرامي اتصدم لأن ف مكنش ف جيبي غير 30 قرش بس
بس طلع مؤدب وسبهملي
الحرامي بعد ماقلب الأوضه التانيه ودخل ع اوضتنا بعد مافتش ف بنطيلي راح يفتح الدولاب فعمل صوت فصحبي صحي فالحرامي اديرله وقاله نام فصحبي نام وبعد تلت ساعه قايم يصحيني
قمت لقيته سرق 800 ج من صحبي وسرق ساعتي وسرق موب واحد زميلي
صاحب الشقه ال_احنا كنا ساكنين فيه كان راجل عنده يجي 70 سنه وكان ساكن جنبنا رحنا خبطنا عليه وقلناله فقلنا وانا اعملكم ايه؟
ايه ياحاج دا احنا اتسرقنا فين وفين زوجته اقنعته يروح معانا قسم الشرطه
اليوم ده انا ضحكت ضحك من صميم قلبي
السؤال لل_بعدي لو جتلك فرصه تمسك منصب وزير ف الدوله تختار اي المناصب(تبقي وزير ايه) ؟

كنت اقصد داعيات اسلاميات نساء مش رجال؟؟؟
طبعا هتجوبى تانى


بس أنا هاجاوب
احب داعيه اسلامى معاصر اتفق معك الدكتور وجدى غنيم بارك الله فى عمره
داعيات معرفش حد اد كدا عشان كدا كنت بسأل حضرتك فياريت تقولى لو تعرفى

نواره دي داعيه عسوله جدا

وايضا الداعيه عبله الكحلاوي

واختنا الداعيه أمة الله بارك الله فيها فأنتي يا اختي داعيه الي الله بكل ماتعنيه الكلمه من معني
تقبل الله منك
موضوع جميل وجديد من نوعه